Dentro das actividades enmarcadas no convenio asinado coa Axencia para a Modernización Tecnolóxica de Galicia (AMTEGA), o CPETIG anuncia dúas edicións dos “Seminarios sobre protección de datos, e-administración e expediente electrónico na administración de xustiza”. Os seminarios celebraranse simultáneamente en Santiago de Compostela e Vigo os días 22 e 23 de maio.

Obxectivos

• Informar sobre os aspectos máis relevantes da administración electrónica xudicial, así como dos beneficios de incorporar o uso das novas tecnoloxías a todos os procesos xudiciais.
• Incrementar a seguridade, efectividade e eficiencia da administración xudicial co uso das novas ferramentas electrónicas avanzadas e con pleno respecto ao dereito á privacidade dos cidadáns.

Destinatarios

Xuíces, maxistrados, secretarios xudiciais e funcionarios dos corpos ao servizo da administración de xustiza.

Lugar de celebración

Santiago: Escola Galega de Administración Pública. Rúa de Madrid 2-4 
Vigo: Hotel Hesperia Vigo. Avenida de Florida, 60

Axenda

• Santiago (Serán 1. 22/05).  Vigo (Serán 2. 23/05) : 16:00 a 20:30 horas
  • 15:30 a 16:00 – Rexistro
  • 16:00 a 18:00 – Relatorio I: PROTECCIÓN DE DATOS PERSOAIS (I) (2 horas) Relator: Víctor Salgado Seguín – Avogado-Socio do Bufete Pintos&Salgado
  • 18:30 a 19:00 – Café
  • 19:00 a 20:30 – Relatorio II: PROTECCIÓN DE DATOS PERSOAIS (II) (2 horas) Relator: Víctor Salgado Seguín – Avogado-Socio do Bufete Pintos&Salgado
• Santiago (Serán 2. 23/05). Vigo (Serán 1. 22/05) : 16:00 a 20:30 horas
  • 15:30 a 16:00 – Rexistro
  • 16:00 a 18:00 – Relatorio I: ADMINISTRACIÓN DA XUSTIZA ELECTRÓNICA. (2 HORAS) Relator: Prof. Dr. Francisco Javier Sanz Larruga (Catedrático de Dereito Administrativo da Universidad de A Coruña)
  • 18:30 a 19:00 – Café
  • 19:00 a 20:30 – Relatorio II: PROCEDIMENTO XUDICIAL ELECTRÓNICO: CASOS PRÁCTICOS DE IMPLANTACIÓN (2 horas) Relator: Dr. Antonio Gudín Rodríguez-Magariños (Secretario do Juzgado Central de Instrucción nº 6 da Audiencia Nacional)

Descargar programa completo

Inscrición

Acceso ao formulario de inscrición

Prezo

A inscrición nestes seminarios é de balde.

Máis información

Para ampliar esta información pode contactar no teléfono 981 937 832 ou no enderezo electrónico eventos1@cpetig.org