Por que colexiarse?
- Porque é un compromiso persoal para contribuír á regulación do exercicio, promoción e mellora das actividades profesionais.
- Porque ofrece importantes beneficios. Entre outros:
- Acceso a unha formación continua con descontos importantes, para dar resposta á crecente demanda da tecnoloxía da información: peritaxes, xestión de proxectos, metodoloxías de programación, calidade do software, seguridade informática, etc.
- Seguro de responsabilidade civil con bonificación da cota do 50% e acceso a outros seguros en condicións vantaxosas.
- Convenios con entidades financeiras, asesoría legal, etc.
Neste sitio web pódese atopar toda a información. Só hai que seguir as instrucións que se detallan para beneficiarse das vantaxes de pertencer ao CPETIG.
Vantaxes colexiais
Formación
- Convenio coa USC
- Convenio con UVigo
- Convenio UDC
- Convenio Universidade Europea de Madrid
- Convenio Galicia Business School: 10% desconto en masters e programas formativos
- Convenio con IMF Business School, entidade colaboradora coa Universidade Camilo José Cela, con descontos en Másters Online
- Convenio con Excellence INNOVA (Campus internacional en Ciberseguridade), con desconto do 10% no Master Online de Ciberseguridade de Telefónica e ElevenPaths
Ocio e viaxes
- Hotelius Club
- Paradores
- Halcón Viajes
- Axencia de viaxes Infinita Eventos
- Eurostars
- Hotelopia
- Tambre Pitch&Putt:
Entidades Financeiras
Sanidade e seguros
- La Mutua de los Ingenieros
- Sanitas
- Clínica Baviera
- Adeslas
Outros servizos
- Pintos&Salgado
- Código Cero
Plan Colégate
Trátase de invitar a colegas de profesión a ser do CPETIG, formando parte deste proxecto colectivo.
É unha forma directa e sinxela de sumar actitudes para ser cada vez máis colexiados na defensa da profesión.
Este compromiso por facer crecer o CPETIG ten vantaxes tanto para as persoas colexiadas como para as novas afiliadas (non aplicable a precolexiacións).
- Por cada colega recomendado, o colexiado ou colexiada terá un desconto do 25% da cota anual ata chegar ao 100%, se consigue catro novos afiliados ou máis.
- Desconto do 50% da cota anual (durante 1 ano) para os novos colexiados ou colexiadas
O Plan Colégate só é valido para novas altas, que non tiveran nunca esta condición ou a de pre-colexiado ou pre-colexiada. Asemade, require permanecer de alta e ao día no pago das cotas durante o período de desconto, que se comezará a aplicar na primeira cota emitida tras a colexiación.
Para colexiarse basta con enviar a documentación que se indica na sección correspondente desta web e solicitar a alta colexial cos formularios mediante un correo electrónico. Para acceder a estas vantaxes, débese indicar o número do colexiado ou colexiada que fixo a recomendación.
Información e cotas
Pódense colexiar no CPETIG as persoas tituladas nunha enxeñaría técnica informática, diplomatura informática, grao en enxeñaría informática*, así como aquelas que teñan un título estranxeiro equivalente, debidamente homologado.
(*) O Consello Xeral de Colexios publica periódicamente o listado de graos colexiables en http://www.conciti.org/grados-en-ingenieria-informatica
Documentación necesaria para colexiarse:
- Fotocopia do DNI.
- Fotocopia do título (ou do resgardo se aínda non o ten). Se é unha titulación estranxeira, debe presentar o certificado de homologación. O título será validado polo Colexio.
- Formulario de alta colexial correctamente cuberto e asinado.
- No caso de que proceda doutro Colexio Profesional de Enxeñaría Técnica en Informática, deberá presentar a correspondente certificación acreditativa.
A documentación pódese remitir a través do formulario de colexiación ou por correo electrónico a secretaria@cpetig.gal, se está asinada dixitalmente. Tamén se pode remitir á sede do Colexio.
Colexio Profesional de Enxeñaría Técnica en Informática de Galicia
Edificio ETS de Enxeñaría
R/Lope Gómez de Marzoa s/n – Campus Sur-
15706 Santiago de Compostela
A Coruña
Colexiación única
- Calquera membro dun colexio profesional dunha demarcación territorial pode exercer como profesional en todo o territorio do Estado (Lei 2/1974). Se exerce nunha comunidade autónoma na que non exista Colexio Profesional de Enxeñaría Técnica en Informática, pode colexiarse en calquera dos colexios constituídos no Estado.
Precolexiación
- A documentación necesaria, indicada a continuación, pode remitila mediante o formulario de precolexiación, por correo electrónico a secretaria@cpetig.gal, se está asinada dixitalmente, ou á sede do Colexio:
- Fotocopia do DNI ou pasaporte
- Fotocopia compulsada do expediente académico
- Fotocopia compulsada do xustificante da matrícula
- Formulario de pre-colexiación cuberto
Cota colexial
- A taxa de alta para colexiarse é de 40 euros (pago único). A precolexiación non implica taxa de alta.
- A cota semestral é de 50 euros para a colexiación, 90 euros no caso do pago anual. A pre-colexiación non ten cota.
- As persoas recén titulados que desexen colexiarse, terán un desconto do 50% da cota anual durante o seu primeiro ano de titulación.
- As persoas colexiadas en situación de desemprego quedan exentos de abonar a cota. Para poder acollerse a esta medida, deben enviar documentación xustificativa da súa situación de desemprego a tesoureria@cpetig.gal na primeira semana de cada semestre.
- Os cargos das cotas semestrais serán nos meses de xaneiro e xullo.
- As novas incorporacións ao Colexio, pagarán o trimestre completo no que se produza a alta. A cota de reincorporación para persoas que xa foron colexiadas con anterioridade é de 15 euros.
Alta colexial
Pode solicitar a alta mediante os formularios indicados a continuación ou enviando a documentación indicada na sección Información e cotas
