·         Comezará o vindeiro venres,11 de setembro, en Guitiriz e desenvolverase ata o 10 de outubro nas aulas da Rede CeMIT

·         Cunha xornada de peche o día 10 de outubro no Salón de Convencións do edificio CINC da Cidade da Cultura á que xa te podes apuntar a través de https://xi-scratchday-cpetig.eventbrite.es

·         Participa o Colexio Profesional de Enxeñaría Técnica en Informática de Galicia dentro do convenio firmado coa Axencia para a Modernización Tecnolóxica de Galicia

Santiago de Compostela, 07 de setembro 2026.- O Colexio Profesional de Enxeñaría Técnica en Informática de Galicia (CPETIG) e a Axencia para a Modernización Tecnolóxica de Galicia organizan un ano máis o Programa Scratch Day que este ano acada a súa XI edición, e que arrinca o vindeiro venres, día 11 de setembro na aula CeMIT do Concello de Guitiriz.

A iniciativa, que cumpre once anos contribuíndo a derrubar mitos sobre a programación informática, busca espertar e fomentar vocacións no ámbito STEAM dende idades temperás.

O programa, dirixido a rapazada de entre 7 e 15, desenvolverase entre os meses de setembro e outubro, con xornadas formativas en aulas CeMIT de 4 concellos galegos: Guitiriz, Tui, Fisterra e Celanova

A xornada final do programa terá lugar o 10 de outubro  e celebrarase no Salón de Convencións do edificio CINC da Cidade da Cultura, en Santiago de Compostela.

Inscrición e calendario de actividades

O prazo de inscrición está aberto  e pode realizarse a través de portal da rede CeMIT.  As datas e aulas das xornadas son as seguintes: